2025-yilning 15-dekabr sanasida Jizzax viloyati EMMX binosida Jizzax viloyati Adliya boshqarmasi Huquqiy axborot shu’basi boshlig‘i Sh.Sulaymonov ishtirokida “KORRUPSIYAGA QARSHI MADANIYAT: FIKRDAN AMALGA” mavzusida davra suhbati tashkil etildi.
Davra suhbati davomida, Korrupsiyaga qarshi kurashishning eng muhim va eng barqaror usuli - korrupsiyaga qarshi madaniyat, eng samarali usuli esa - inson ongida, fikrida, dunyoqarashida halollikni shakllantirish ekanligi aytib o‘tildi.
Korrupsiyaga qarshi madaniyat nima?
Korrupsiyaga qarshi madaniyat — bu jamiyat va shaxsning korrupsiyaga nisbatan mutlaq rad etish prinsipiga asoslangan munosabati.
U quyidagi elementlarni o‘z ichiga oladi:
• Korrupsiyaga nisbatan nol tolerantlik
• Huquqiy bilim va xabardorlik
• Shaxsiy va kasbiy halollik standarti
• Jamoatchilik nazorati madaniyati
• Adolatni ustuvor qadriyat sifatida tan olish
Ya’ni, korrupsiyaga qarshi madaniyat — bu faqat qonunlarga rioya qilish emas, balki halol yashashga ichki tayyorlikdir.
Davra suhbati so‘ngida, Korrupsion harakatlarga barham berish maqsadida hukumat, vazirlik va idoralar tomonidan amalga oshirilayotgan izchil chora-tadbirlar va ularning hayotga tadbiq etilishi yuzasidan fikr va mulohazalar tinglandi.
Jizzax viloyati EMMX 1-toifali muhandisi B.B.Raximov
