Tashkilotimizda faqat mehnat unumdorligini oshirish emas, balki xodimlarning intellektual salohiyatini yuksaltirish, ularning bo‘sh vaqtlarini mazmunli tashkil etishga ham alohida eʼtibor qaratib kelinmoqda.
Xususan, joriy yilning 24-iyul kuni “Elektromagnit moslashuv markazi hamda uning hududiy tuzilmalarida ma’naviy-ma’rifiy ishlarni tashkil qilish bo‘yicha 2026-yil uchun yillik taqvim reja”ning tegishli bandlari ijrosini ta’minlash yuzasidan Qoraqalpog‘iston Respublikasi Elektromagnit moslashuv xizmati xodimlari orasida “Zakovat” intellektual o‘yini tashkil etildi.
Intellektual o‘yinda “Birinchi va ikkinchi renessans – buyuk daholar davri”, “Millat oydinlari” va “Kitob – ma’naviyat ko‘zgusi” mavzularida savollar berildi.
Mustaqilligimizning 35 yilligi keng nishonlanishi arafasida ushbu mavzularning yoritilishi milliy qadriyatlarimizga hurmat, ajdodlarga munosib avlod bo‘lish uchun turtki bo‘lishiga ishonamiz.
Viktorina davomida xodimlarimiz barcha savollarga o‘z bilim va dunyoqarashidan kelib chiqib mantiqan to‘g‘ri javoblar berishga harakat qilishdi, javoblarni tarixdagi voqea hodisalar bilan bog‘lab bilimlarni yanada mustahkamlashdi.
Intellektual va zukko xodimlar — har bir korxonaning eng katta boyligi va kelajagidir. Zero, bilimli va zakovatli jamoa bilan har qanday yuksak marralarni zabt etish mumkin.
Qoraqalpog‘iston Respublikasi EMMX
1-darajali radiooperatori A.Shimbergenov
