“EMMM” DUKning 2025-yil 28-martdagi 10-F-sonli farmoyishi ijrosini ta’minlash maqsadida, Samarqand viloyatida Samarqand, Jizzax, Navoiy, Buxoro, Qashqadaryo va Surxondaryo viloyatlari EMMX xodimlari ishtirokida o‘quv-amaliy trening tashkil etildi. Mazkur trening “EMMM” DUKning RNvaTR xizmati mutaxassislari tomonidan o‘tkazilib, unda teleradio uzatkichlaridan samarali foydalanish, shuningdek, ushbu uzatkichlar tarkibiga kiruvchi antenna-fider qurilmalarini joylashtirish, sozlash va ekspluatatsiya qilish bo‘yicha nazariy va amaliy bilimlar berildi.
2025-yil 14-apreldan 18-aprelgacha bo‘lgan davr mobaynida tashkil etilgan o‘quv-amaliy trening doirasida ishtirokchilarga teleradio uzatkichlarning
texnik-ekspluatatsion xususiyatlari, funksional imkoniyatlari hamda ularni real ekspluatatsion sharoitlarda qo‘llash mexanizmlariga oid nazariy bilimlar va amaliy ko‘nikmalar chuqurlashtirilgan tarzda yetkazildi.
O‘tkazilgan o‘quv-amaliy treningda Samarqand RTUMning texnik direktori boshchiligidagi mutaxassislar guruhi ham faol ishtirok etdi hamda trening tashkiliy jihatlarini amalga oshirishda bevosita o‘z hissalarini qo‘shishdi va o‘z tajribalari bilan bo‘lishishdi.
Tashkil etilgan o‘quv-amaliy trening davomida EMMX xodimlari tele-radio uzatkichlardan samarali foydalanish, antenna-fider qurilmalarini ekspluatatsiya qilish bo‘yicha nazariy va amaliy bilimlar chuqurlashtirilgan tarzda yetkazildi.
